Shkoder: Rikthehet Moti Me Vranesira
SHKODËR, 31 Korrik/ATSH-G. Marku/.- Janë rikthyer vranësirat në qytetin e Shkodrës. Pas 3-4 ditëve radhazi me mot të mirë, shoqëruar me rreze diellore dhe temperatura të larta, mëngjesi i sotëm është shfaqur me një mot të paqëndrueshëm.
Shenjat e një moti të tillë janë shfaqur gjatë orëve të natës, ku përgjithësisht ka mbizotëruar një kohë e freskët me ulje të temperaturave.
Vranësirat, por edhe ulja e temperaturave, duket se kanë tendenca që, ndryshe nga sa parashikohej, kjo fundjavë të mos jete e pershtatshme për plazhistët, sidomos për ata të bregdetit te Velipojes në detin Adriatik, ku edhe pushuesit në këtë periudhe janë të shumtë. /a.ke/
