Pasqyra E Shtypit Të Kosovës

PRISHTINË, 1 Gusht /ATSH-B.Jashari/.- Më poshtë vijojnë titujt kryesorë të gazetave të Kosovës të ditës së sotme: "Koha Ditore" GREQIA NDËRMJETËSON DIALOGUN PRISHTINË-BEOGRAD - Prishtina merr ofertën e Greqisë për të filluar dialogun me Beogradin - Zyrtarët grekë konsiderojnë se kryeministri i tyre, George Papandreou, mund të ketë sukses në nxitjen e një dialogu mes Kosovës dhe Serbisë. Autoritetet në Kosovë pranojnë të bashkëpunojnë me Serbinë, por jo edhe të bisedojnë me këtë shtet për çështje të brendshme. Ata i vënë linja të kuqe edhe çfarëdo bisede që prejudikon "statusin e veçantë" të pjesës veriore të vendit Tituj të tjerë: -"Çdo thirrje për negociata për statusin, thirrje për destabilitet" (Deklaron ministri Hyseni) -Me kërkesë të Rusisë, KS diskuton për Kosovën më 3 gusht -Shpresat e Serbisë në votimin e parë të Asamblesë së Përgjithshme -Kërkesë që edhe Lugina të përfshihet në bisedime -Përsëritet konkursi i këngës për Nënë Terezën -Dasam e Chelsea Clintonit "çmend" amerikanët -Një natë me tri përjetime. (DokuFest në Prizren) "Express" DHURATË GREKE - Greqia është mes pesë shteteve të BE-së që nuk e njeh Kosovën. Por, kjo nuk e ka penguar që të mendojë për ndërmjetësim mes Kosovës dhe Serbisë. Pa sqaruar llojin e negociatave, ofertën greke në Prishtinë e solli diplomati Dimitris Droutsas. Liderët kosovarë shfaqën indiferencë për dhuratën greke. Ata presin njohje nga Athina. Tituj të tjerë: -Dyshimet e Sllavishes - Dikur vetë i dyshuar dhe i shkarkuar për afera korruptive, Sllavisha Petkoviç, ish-ministër për Kthim, i bën thirrje EULEX-it dhe Prokurorisë Speciale që të hetojë pasurinë dhe pozitat që mban Sllobodan Petroviç, anëtar i Kryesisë së Kuvendit dhe rival i tij politik. -Festa e Filmit - Për një javë rresht në kinematë e Prizrenit do të shfaqen 150 filma të përzgjedhur nga 1300 sa kishin aplikuar në Festival. (DokuFest) - Po bëhemi më sovranë -Koment - Pse s'flasim më për motin? "Bota Sot" MBI MOHUESIT E LIRISË PËR SHQIPTARËT - Thirrja për vazhdimin e robësirë shqiptarëve, për të mos ua kthyer lirinë, është një vullnet sadist, shkatërrimtar Tituj të tjerë: -Kosova të bëjë një rezolutë të përbashkët shqiptare - Projektrezoluta e BE-së afirmon qëndrimet neutrale ndaj Pavarësisë -Kuvendi ka ndërruar rolin me qeverinë, kjo s'i bindet - Një gjashtëmujor i dështuar -Nuk ka dialog me Serbinë për çështje të brendshme - Ka ardhur momenti që Greqia ta njohë Republikën e Kosovës -Me patentën e vjetër të "dykuptimësive", BE-ja nuk po heq dorë nga Kosova -Mbi 5 milionë shqiptarë do të pajisen me shtetësi shqiptare? "Zëri" SHTETI I KOLONAVE - Lëvizja nëpër rrugët e Kosovës është bërë e padurueshme. Tituj të tjerë: -Athina e gatshme për ndërmjetësim -A po hapen dyert e FIFA-s për Kosovën -FSK nuk ndërtohet me kallashnikov -Analizë - Kaosi kosovar -Ekonomi - Lufta për mbijetesë -Koordinim me Francën dhe Italinë "Kosova Sot" 800 DOSJE BARTEN NË KATËR PROKURORITË RAJONALE? - Sirtarët e Prokurorisë së Qarkut në Prishtinë plot lëndë Tituj të tjerë: -Droutsas: Mund ta ndihmojmë dialogun -KS-ja diskuton për Kosovën më 3 gusht -Editoriali - Kthimi nga realiteti /f.n/