Fier, 1 gusht, NOA – Pas denoncimit ka qa bërë gazetari shqiptar në Greqi, Aldo Bregasi për rrahje pas një aksidenti me makinë nga një punonjës i policisë së Gjirokastrës, ka ardhur dhe reagimi zyrtar i policisë në lidhje me ngjarjen.
Gazetari Bregasi që punon në median greke “Ipirotikos Agon” deklaroi në një intervistë televizive se është rrahur në mënyrë barbare nga dy persona, njëri prej të cilëve ka qenë punonjës i policisë.
Bregasi ka qenë në Fier në makinë me të atin e tij, i cili deklaroi se djalin e tij e kanë rrahur dhe tërhequr zvarrë në vendin ku ndodhi aksidenti dy persona.
Në njoftimin e sotëm të policisë thuhet se ngjarja ka ndodhur dje rreth orës 09.15, në vendin e quajtur fshati Lalar në rrugën kombëtare Ballsh-Fier.
“Janë përplasur dy autovetura, përkatësisht; një autoveturë e tipit “Volksëagen” me targe 21 VTT me drejtues shtetasin Bledar Metaj, me detyre Oficer Policie pranë Njesisë Rajonale të Drejtorisë Policisë Qarkut Gjirokastër dhe autovetura tip Honda me targë YMM 1442 me drejtues shtetasin Feti Bregasi”, thuhet në njoftimin e policisë.
Policia sqaron se shtetasit Dritan Metaj dhe Aldo Bregasi, kanë dalë nga mjetet dhe janë konfliktuar dhe goditur me grushta me njeri-tjetrin.
“Si pasoje shtetasi Aldo Bregasi ka marre dëmtime për të cilat jemi në pritje të aktit të ekspertimit mjeko ligjor, ndërsa shtetasi Dritan Metaj ka marrë dëmtime që kërkojnë deri në 9 dite raport mjekësor”, sqaron policia e Fierit.
Gjithashtu, policia deklaron se janë kryer të gjitha veprimet e para hetimore “dhe jemi në pritje të ekspertizës mjeko ligjore të shtetasit Aldo Bregasi, për referimin e materialeve proceduriale në Prokurorinë e Rrethit Gjyqësor Fier”.
NOA
