Durrës, 4 gusht, NOA – Një 31 vjeçar ndërsa udhëtonte me motoçikletë, ka gjetur vdekjen pas përplasjes nga një makinë.
Ngjarja bën të ditur korrespondenti i NOA-s, ndodhi sot rreth orës 01.00 pas mesnate.
I aksidentuari që pësoi përlasjen fatale për jetën, është Klodian Jaupi.
Burime zyrtare nga policia e Durrësit thanë se ngjarja ndodhi në aksin rrugor Muzeu i Dëshmorëve, pranë Gjykatës së Rrethit në Durrës.
Një makinë tip volksvagen, me targë DR-2459-B, e drejtuar nga 27 vjeçari Ilir Kokaj ka aksidentuar për vdekje 31 vjeçarin Klodian Jaupi, banues në lagjen Nr.6 të Durrësit, i cili po udhëtonte me motoçikletën e tij tip “Suzuki” me targë BD02257.
Policia ka prangosur drejtuesin e automjetit, Ilir Kokaj nga Mamurrasi dhe banues në të njëjtën lagje me viktimën.
Arrestimi i Ilir Kokaj, u bë sot në orën 10.30.
Nga hetimet e deritanishme mendohet se aksidenti është shkaktuar nga shkelja e rregullave të qarkullimit rrugor, nga ana e drejtuesit të makinës, që gjatë përplasjes, i mori jetën 31 vjeçarit, Klodian Jaupi.
mit/NOA
