Berlin, 8 gusht, NOA – “Serbia duhet të ndreqë marrëdhëniet me fqinjët e saj, duke përfshirë këtu edhe Kosovën”.
Kështu ka deklaruar sot zëdhënësi i Partisë Liberale të Gjermanisë, Rainer Stinner.
Duke folur sa i përket procesit të integrimit të Serbisë në BE, një nga kërkesat më të domosdoshme për Serbinë, Stinner theksoi se “për tu integruar, Serbia duhet të plotësojë kriteret ekonomike e politike dhe të ndreqë marrëdhëniet me fqinjët, duke përfshirë këtu edhe Kosovën.
Duke iu referuar mbështetjes së Gjermanisë ndaj pavarësisë së Kosovës, Stnner siguroi se “Berlini zyrtar e njeh shtetin e Kosovës dhe këtu nuk mbetet asgjë për tu debatuar”.
Rainer Stinner, edhe si njohës i zhvillimeve në Evropën Juglindore, nënvizoi ndër të tjera se “nuk sheh asnjë çështje të rëndësishme rreth Kosovës, që duhet diskutuar e zgjidhur në Asamblenë e Përgjithshme të Kombeve të Bashkuara”.
mit/NOA
