Londër, 10 gusht 2010, NOA - Britanikët duket se i janë rikthyer modës së ketrave, jo si kafshë shtëpiake, por si ushqim.
Deri tani, ketri nuk ishte shumë popullor në Mbretërinë e Bashkuar, pasi ai konsiderohej si ushqim i të varfërve dhe simptomë e kohërave të vështira.
Ende sot, nga personat më të vjetër në Angli kujtohet supa ose lakrori i bërë me mishin e këtyre brejtësve gjatë Luftës së Dytë Botërore. Megjithatë, gjërat janë duke ndryshuar rrënjësisht. Ky brejtës po zë gjithnjë e më shumë vend në pjatat e britanikëve.
Një supermarket në veri të Londrës po furnizon vazhdimisht konsumatorët prej katër muajsh. Sipas pronarit, brenda katër viteve shitja e kësaj kafshe do të jetë po aq e zakonshme si ajo e lepurit.Steve Downey, drejtor i Chef Direct në Bristol , thotë se shiten 200 ketra në një javë për konsumatorët e thjeshtë dhe furnizohen 20 restorante. Por , nuk janë të këtij mendimi ambientalistët dhe shoqatat ekologjike: kjo modë e re për ta është një masakër mizore dhe e pakuptimtë.
a.e./NOA
