Tel-Aviv, 11 gusht, NOA - Një monedhë e rralle ari e vitit 191 para erës sonë, u gjet në Izrael, gjatë gërmimeve në një zonë arkeologjike.
Zbulimi u konfirmua nga Shërbimi i Zbulimeve Arkeologjike, të Izraelit.
Monedha peshon 27 gram dhe është e ruajtur në një gjendje të shkëlqyer.
Ajo është më e madhja e gjetur ndonjëherë ne Izrael.
Sipas arkeologëve, monedha ështe prodhuar në Egjipt dhe i përket epokës së mbretit Ptoleme i 5-të.
Në të është i skalitur portreti i Arsinois, gruaja e Ptolemeut të 2-të, e cila ishte shenjtëruar.
Sipas përgjegjësit të gërmimeve, kjo monedhë, e cila peshon 6 herë më shume se monedhat e zakonshme, përdorej si medaljon, në shenjë adhurimi për perëndeshën Arsinois.
mit/NOA
