Napoli, 12 Gusht 2010 NOA – Bie në prangat e policisë italiane, i riu shqiptar që akuzohet se ka vrarë 23-vjeçarin Rahman Sula një javë më parë në zonën e Napolit.
I arrestuari është 21 vjeçari Altin Strallaj, emigrant shqiptar me banim prej kohësh në Itali. Kapja e tij u bë nga karabinierët e lokalitetit Castello di Cisterna, në një banesë brenda qendrës historike të Anagni në Frosinone.
I riu u kap në shoqërinë e tre shqiptarëve të tjerë, për të cilët po kryhen hetime nëse kanë lidhje me ngjarjen.
Ata janë Shkëlzen Shima, Gentian Fejza dhe Shkëlzen Kola dhe jane shoqeruar nga policia.
I dyshuari ishte rezident në San Marcellino, provincë e Caserta, kurse viktima i tij Raham Sula, banonte në rrugën “Piave” të lokalitetit Gricignano po në Caserta.Ngjarja ndodhi të mërkurën e kaluar në ornë 18.00 në barin "Annunziata" në rrugën “Gramsci” në Caivano, komunë në veri të Napolit. Dyshohet se ishin tre shqiptarë ata që bashkëpunuan në vrasjen e 23-vjeçari Rahman Sula.
Në një moment, i arrestuari dyshohet se ka nxjerrë pistoletën e kalibrit 6.35 mm dhe me të ka qëlluar të riun Sula duke i marrë jetën me dy plumba në zemër.
Policia tha se kamera survejimi që gjendeshin përreth vendngjarjes, bënë të mundur lokalizimin e të dyshuarit kryesor të vrasjes.
a.r/NOA
