Liverpul, 12 gusht, NOA - Juventusi ka arritur të gjejë një akord me Liverpulin për mesfushorin 30-vjeçar danez, Christian Poulsen.
Kështu, bardhë e zinjtë kanë përfituar një shifër prej 5 milionë e 750 mijë eurosh, plus një milion tjetër bonus.
Kjo mund të themi se do të konsiderohet si shitja e parë e rëndësishme e klubit juventin. Pas Poulsen, lojtari tjetër që do të largohet nga Juventus, të paktën siç bëhet e ditur dhe nga mediat spanjolle është Tiago, i cili tashmë konsiderohet si një lojtar i Atletikos së Madridit.
Me këto dy shitje, mund të themi se drejtori i përgjithshëm i klubit Marotta, do të përfitojë një shumë të mirë të ardhurash të cilat do t’i mendojë për t’i investuar në blerjen e radhës së bardhë e zinjve.
r.b/NOA
