Shkodër, 12 gusht, NOA – I dënuar me 13 vite burg nga gjykata italiane për trafikim të lëndëve narkotike, është arrestuar mbrëmë, në Shkodër, i kërkuari, Alert Limani.
Policia e Shkodrës, njoftoi se 35 vjeçari Alert Limani u arrestua mbrëmë në orën 23.30, pikërisht në afërsi të banesës së tij, në lagjen “Kongresi i Përmetit” në qytetin e Shkodrës.
Sikundër raportohet ndalimi i Alert Limanit u bë për arsye se ai ishte dënuar me masën e sigurisë “arrest me burg” për 13 vite nga Gjykata e Apelit Breshia-Itali, në një vendim të dhënë në 24 prill të 2009-ës, për trafikimin e lëndëve narkotike.
Policia e Shkodrës nënvizoi se nga pala shqiptare u kryen të gjitha veprimet e duhura proceduriale dhe materialet në ngarkim të Alert Limanit, për llogari të Gjykatës së Apelit të Breshias do t’i kalojnë, Prokurorisë së Shkodrës, për trafikimin e lëndëve narkotike.
mit/NOA
