Tiranë, 12 Gusht, NOA – Me rastin e zgjedhjes në detyrën e kryetarit të Këshillit Kombëtar të Shqiptarëve në Serbi, ministri i Punëve të Jashtme, Ilir Meta i ka dërguar një letër urimi Galip Beqirit.
“Duke shprehur vlerësimin se ngritja e Këshillit Kombëtar të Shqiptarëve në Serbi, së bashku me zgjedhjen e kryetarit të tij, është një arritje e shkëlqyer për çuarjen përpara dhe garantimin e të drejtave themelore të shqiptarëve në Serbi, gjej rastin të ri-përshëndes përkushtimin dhe angazhimin e subjekteve politike shqiptare, për kurorëzimin e këtij procesi, dëshmi kjo e maturisë politike, përgjegjshmërisë qytetare dhe i kapacitetit të tyre demokratik”, shkruan Meta.
Duke shtuar se “Shqipëria mbështet fuqishëm dhe punon për një Ballkan evropian, pra për një Shqipëri, Kosovë dhe Serbi evropiane, ku të gjithë qytetarët e rajonit të lëvizin lirisht në vendet e njëri- tjetrit dhe të përfitojnë sa më shumë nga fryma evropiane e mirëkuptimit, bashkëpunimit dhe integrimit”.
n.e/NOA
