Uashington, 12 Gusht, NOA - Pas vdekjes së djeshme tragjike të ish-senatorit amerikan, Ted Stivens në një aksident ajror, sot është shënuar një humbje e re në radhët e ish-përfaqësuesve të lartë të shtetit amerikan.
Bëhet fjalë për ish-kongresmenin amerikan, Dan Rostenkovski, i cili vdiq në shtëpinë e tij në Uiskonsin, në moshën 82-vjeçare.
Ai ishte nga Çikagoja dhe kryesoi Komisionin e Kongresit për Fondet nga viti 1981 deri në vitin 1994, duke qënë një nga ligjvënësit më me influencë të kohës së tij.
Por gjithçka u zbeh nga karriera e tik pasi u përfshi në një skandali dhe pasi u largua nga posti, përfundoi madje në burg nën akuzat për fallsifikime me dërgesa postare.
Kariera e tij përfshjin pika kyçe si ajo e shërbimit në Kongresin Amerikan si përfaqësues i Çikagos gjatë periudhës 1959-1995.
Ndërsa në vitin 1981, ai u zgjodh kryetar i komisionit të fuqishëm të Dhomës së Përfaqësuesve për fondet që harton ligjet e taksave.
Por fillimi i rënies së pushtetit dhe influencës së Dan Rostenkovskit erdhi në vitin 1992, kur një juri e madhe në Uashington ngriti kundër tij 17 akuza për shpërdorimin e fondeve federale.
Ai pranoi dy nga akuzat për fallsifikime të dërgesave postare dhe kaloi 17 muaj në një burg federal.
E gjitha kjo do të bënte që ai të humbte zgjedhjet e vitit 1994 dhe të mos kthehej më kurrë në politikë.
n.e/NOA
