Lezhë, 14 gusht, NOA – Forcat e policisë së Lezhës kanë realizuar arrestimin në flagrancë të të kërkuarit Gazmend Lleshi, 30 vjeç, me banim në fshatin Dilbnisht të Kurbinit.
Ato konfirmojnë për agjencinë e Lajmeve NOA se ndalimi i këtij personi u bë për arsye se prokuroria e Kurbinit ka urdhëruar ndalimin ndaj tij për veprat penale të “Plagosjes së rëndë me dashje në bashkëpunim”, “Mbajtje pa leje e armëve luftarake dhe municioneve” dhe “Kanosjes”, vepra këto të parashikuara nga nenet 88, 25, 278/2 dhe 84 të Kodit Penal.
Kjo pasi siç mësohet, ai dyshohet të jetë njëri nga autorët e ngjarjes së datës 11.03.2010 në qytetin e Laçit, ku është plagosur me armë zjarri i riu me inicialet K.Ll. dhe ka kanosur shtetasin me iniciale L.B.
Materialet në ngarkim të të lartpërmendurit iu kaluan prokurorisë së Kurbinit për veprime të mëtejshme proceduriale.
n.e/NOA
