Islamabad, 14 gusht, NOA – Në Pakistan janë anuluar të gjitha manifestimet zyrtare për ditën e pavarësisë. Ky vendim ka ardhur pas pasojave që shkaktuan përmbytjet më të mëdha në histori që janë regjistruar në këtë vend.
Përmbytjet mendohet se kanë prekur 14 milionë njerëz dhe shkaktuan krizën më të rëndë humanitare.
Presidenti, kryeministri dhe krerët e ushtrisë i kanë anuluar festimet që planifikonin të shënojnë 63 vjetorin e krijimit të Pakistanit në vitin 1947.
Kreu i OKB-së, Ban Ki-mun sot do të mbërrijë në Pakistan për t’i vëzhguar operacionet humanitare.
NOA
