Prishtinë, 16 gusht, NOA – Ndërsa Serbia këmbëngul të rikthejë bisedimet me Kosovën për statusin e saj, dhe Kosova nga ana tjetër thotë se është e gatshme të bisedojë me Beogradin vetëm për çështje teknike të interesit reciprok të dy vendeve, janë forcat e Kombeve të Bashkuara, UNMIK që janë ofruar të gatshëm për mbështetjen e bisedimeve.
Këtë deklaratë për të ndërmjetësuar në bisedimet mes Prishtinës dhe Beogradit e ka bërë sot, zëdhënësi i UNMIK-ut, Rasëll Giki.
Giki tha në një deklaratë se UNMIK-u i përkrah bisedimet për çështjet teknike, skundër këmbëngulin edhe Shtetet e Bashkuara të Amerikës dhe BE-ja.
Por, zyrtari ka thënë se natyra e këtyre bisedimeve varet pikërisht nga dy vendet respektive, Kosova e Serbia.
Zëdhënësi i UNMIK-ut ka bërë me dije se Kombet e Bashkuara e mbështesin rolin e Bashkimit Evropian sa i përket bisedimeve për perspektivën evropiane të rajonit, një perspektivë kjo e dëshiruar nga Serbia, por që sikundër janë shprehur zyrtarët e lartë të BE-së, s’mund të realizohet pa respektuar shtetësinë e Kosovës.
mit/NOA
