Tiranë, 17 gusht, NOA – Një aksident i rëndë ka ndodhur pak minuta më parë në Laprak të Tiranës. Si pasojë e përplasjes nga një makinë ka humbur jetën një person. Sipas policisë bëhet fjalë për 37 vjeçarin Fatos Reçi, i cili është shtypur nga një autoveturë në momentin që ka qenë duke kaluar rrugën.
Pas aksidentit të pranishmit në vendngjarje kanë janë munduar të bëjnë transportimin e tij për në Spitalin Ushtarak në mënyrë urgjente. Sipas dëshmitarëve që kanë parë skenën e aksidentit, Reçi ka qenë duke kaluar rrugën në momentin që është goditur nga automjeti.
Por si pasojë e dëmtimeve të marra në kokë dhe në pjesën e brendshme të trupit, Reçi ka ndërruar jetë rrugës për në spital.
Policia ka arritur të ndalojë drejtuesin e mjetit, Agim Vojka, i cili shkaktoi aksidentin dhe e ka shoqëruar atë në komisariat për të dhënë sqarimet e duhura dhe për të zbardhur arsyet e aksidentit me pasojë vdekjen. Automjeti është me targa greke.
NOA
