Sarajevë, 21 gusht, NOA – Në një vizitë të beftë ka mbërritur në kryeqytetin e Bosnjë-hercegovinës, sarajevë, aktorja e njohur hollivudiane, Angeline Jolie.
Jolie bashkë me dy nga fëmijët e saj, dhe e shoqëruar nga 10 truproja personale ka mbërritur mbrëmë në darkë në kryeqytetin e Bosnjës.
Ambasadorja e Vullnetit të Mirë, e UNHCR-së, është takuar sot me Kryetarin e shtetit të Bosnjës, Haris Silajxhiq.
Në takimet me dy krerët e Bosnjës, zonja Jolie ka biseduar për kthimin e refugjatëve, ku ambasadorja e UNHCR-së, ka shprehur interesin e saj që kthimi i tyre të jetë i qëndrueshëm.
Hollësitë rreth vizitës së aktores së njohur në Bosnjë Hercegovinë, janë mbajtur të fshehta, për arsye të sigurisë së saj.
Ambasadorja e njohur Angeine Jolie jo më kot ka zgjedhur Bosnje-Hercegovinën për vizitën e saj në Ballkan, vendin ku diktatori serb Sllobodan Millosheviç dhe bashkëpunëtorët e tij, kryen masakrën më të madhe të popullit musliman të Bosnjës, masakrën e Srebrenicës, ku gjetën vdekjen në mënyrë çnjerëzore në korrik të 1995-ës, plot 8000 muslimanë të Bosnjes.
mit/NOA
