Berlin, 22 gusht, NOA – Atleti kenian David Rudisha theu këtë të djelë rekordin botëror në garën e 800 metrave për meshkuj, duke e bërë këtë garë për 1 minutë e 41.09 sekonda në stadiumin olimpik të Berlinit.
David Rudisha thyen kështu rekordin që mbahej nga atleti danez Uillson Kipketer me një minutë e 41.11 sekonda, i vendosur në vitin 1997 në garat e zhvilluara në Këln të Gjermanisë.
Atleti kenian pas thyerjes së rekordit botëror, tha për Associated Press se “E takova Kipketer vitin e shkuar dhe ai më tha që shihte tek unë të ardhmen e garës së 800 metrave, dhe se ishte i bindur që do të thyeja rekordin botëror të garës. Madje Kipketer, më inkurajoi për këtë garë, shpjegoi rekordmeni i ri, Rudisha.
Atleti kenian e theu rekordin e garës së 800 metrave pikërisht në të njëjtin stadium, kur një vit më parë ishte gjysmëfinalist në kampionatin botëror të atletikës.
“Isha shumë i zhgënjyer vitin e shkuar, tha Rudisha, duke nënvizuar për Associated Press se edhe koha një vit më parë ishte shumë e ftohtë.
Pas rekordit të thyer David Rudisha tashmë shpreson për tituj botërorë dhe olimpikë.
mit/NOA
