Kaliningrad, (Rusi), 22 gusht, NOA - Aktivistët opozitarë në Kaliningrad të Rusisë, e kanë mbajtur një protestë, në të cilën kanë kërkuar kthimin e zgjedhjes direkte të guvernatorit.
Protestuesit, poashtu, kanë kërkuar që guvernatori rajonal, Georgi Bos, t’i ulë tarifat e përcaktuara nga kompanitë e shërbimeve shtëpiake.
Në protestë morën pjesë së bashku përfaqësuesit e degëve lokale të partive kryesore opozitare të Rusisë dhe organizata të tjera.
Radio Evropa e Lirë raporton se në protestë morën pjesë afro 1 mijë vetë dhe se ajo përfundoi pa incidente.
NOA/RFE
