Prishtinë, 22 gusht, NOA - Shtatori apo tetori është afati brenda të cilit autoritetet kosovare pritet të shpallin zgjedhjet për komunën e re të Veriut të Mitrovicës.
Formimi i kësaj komune do t'i jepte fund procesit të decentralizimit në Kosovë, në kuadër të të cilit janë formuar ndërkohë edhe katër komuna të tjera me shumicë serbe.
Sipas një deklarate të Ministrit kosovar për Vetëqeverisjen Lokale, Sadri Ferati për mediat kosovare, “shtatori dhe tetori do të jenë shumë dinamik dhe me forcimin e mekanizmave kosovar dhe mbështetjen e faktorit ndërkombëtar do të krijohen kushtet për formimin e komunës së re.
“Presim që me një ndikim më të madh të EULEKS-it dhe të policisë të formohet një ambient i sigurt, me qëllim që ne të fillojmë me normalizimin e jetës në veriun e Mitrovicës, ka thënë ministri kosovar Ferati.
