Santiago, 23 gusht, NOA - Më shumë se dy javë pas shembjes së një miniere ari dhe bakri në Kili ekipet e shpëtimit kanë arritur të vendosin kontakte me 33 minatorët që ndodhen nën gërmadha.
Presidenti Sebastian Pinera doli para kamerave televizive dhe tregoi si provë një letër të një burri, të cilën e kishin marrë me ndihmën e një sonde.
Deri në një shpëtim përfundimtar të tyre do të duhen javë, e ndoshta muaj, tha ai.
Miniera e vogël në periferi të Copiapo-s në shkretëtirën Atakama rreth 800 km në veri të kryeqytetit Santiago u shemb në 5 gusht.
Që atëherë nuk kishte asnjë shenjë jete nga minatorët e mbetur brenda, të cilët kishin shpëtuar duke u strehuar në një kthinë mbrojtëse në thellësinë prej 700 metrash.
NOA/DV
