Bagdad, 26 gusht, NOA - Pak ditë pas tërheqjes së trupave amerikane të luftës nga Iraku, kryengritësit e atjeshëm kanë treguar fuqinë e tyre.
Gjatë aksioneve terroriste të koordinuara në mbarë vendin janë vrarë të mërkurën të paktën 64 persona, ndërsa janë plagosur mbi 250 të tjerë.
Objektiv kryesor i sulmeve ishin forcat irakiane të sigurisë. Sulmet më të rënda janë kryer në Kut, Bagdad dhe Kerbala.
Disa parlamentarë në Bagdad kanë shprehur dyshimin nëse policia dhe armata mjaftojnë për të garantuar stabilitetin në vend.
BE-ja ka kërkuar krijimin e shpejtë të një qeverie stabile në Irak, e cila do të reagonte ndaj kërcënimeve dhe do të mundësonte pajtimin kombëtar në vend.
NOA
