Francë, 4 shtator 2-10 NOA - Dy infermiere janë dënuar për të paguar një gjobë prej 800 eurosh dhe kjo pasi shkruajtën mesazhe në vithet e një pacienti duke përdorur një dezinfektues me ngjyrë.
Gjithçka ka ndodhur në vitin 2009 në një shtëpi pleqsh në Ploneour-Laverna në veriperëndim të Francës.
Pacienti, viktimë e kësaj shakaje, është një grua e moshuar që vuante nga sëmundja e Alzheimer dhe nga një gjendje varësie. Akuza është ajo e dhunës vullnetare ndaj një personi të pambrojtur.
Gjykata në Quimper ka shpallur fajtore dy gratë dhe kjo në bazë të Konventës Evropiane të të Drejtave të Njeriut, e cila përkufizon me fjalën dhunë çdo sulm për integritetin e një personi.
Dhe në këtë rast, edhe në qoftë se nuk kishte patur dhunë fizike, gjykata dënoi dy gratë me një akuzë të dhunës së “moralit”, pasi pacienti i tyre është trajtuar si një objekt.
Dy infermieret që janë pezulluar për katër muaj, duhet të paguajë dhe një dëmshpërblim moral prej një mijë eurosh.
r.b/NOA
