Uashington, 3 shtator, NOA - "Mjaft më me kufizime, tani e tutje tekno-risitë ushtarake nuk do të jenë më një sekret, por do të liberalizohen”.
Kështu është shprehur presidenti i Shteteve të Bashkuara të Amerikës, Barak Obama, duke publikuar fillimin e reformës së dispozitave që rregullojnë eksportin e teknologjisë së përparuar dhe që do të hyjë në fuqi më vonë këtë vit.
“Së paku 30 për qind e atyre që mbyllen në magazina, ne po flasim për dhjetëra mijëra, mund të pushtonin tregjet, duke filluar nga Evropa”, tha më tej Obama. Duke shtuar se tre të katërtat e 12.000 copëve të regjistruara si tekno-risi të transportit ushtarak, nuk do të jenë më subjekt i kufizimit. Ndër qëllimet kryesore të qeverisë amerikane që ai përmendi me këtë reformë, ishte ajo për të krijuar biznese të reja për të ndihmuar në rimëkëmbjen e ushtrisë duke rritur eksportin e instrumenteve mjaft të sofistikuara që nevojiten në vendet e industrializuara. Bëhet fjalë për teknologjitë e ndjeshme lidhur me mbrojtjen.
Kështu, Obama bëri me dije se tregu do të jetë i hapur ndaj teknologjive të komunikimit, kompjuterëve, softuerëve lidhur me kodimet më të përparuara të mesazheve, materialeve dhe sistemeve prodhuese, pajisjet industriale për zbulimin dhe identifikimin.
n.e/NOA
