Tiranë, 6 Shtator, NOA – Axhenda e parlamentit gjatë këtij sesioni parlamentar do të jetë ambicioze dhe për këtë arsye, deputetët duhet të demonstrojnë në çdo moment dhe çdo orë përgjegjësinë që elektorati u ka dhënë me votë.
“Ne do vazhdojmë të marrim vendime të drejta në interes të vendit”, tha në fjalën e saj për hapjen e sesionit kuvendor, kryeparlamentarja Jozefina Topalli, duke shtuar se “Shqipëria e vitit 2010 nuk ka asgjë të përbashkët me atë të disa viteve më parë”.
“Ky Kuvend miratoi reforma të thella, duke u bërë institucion lider në zbatimin e detyrimeve dhe kërkesave të institucioneve ndërkombëtare”, tha në lidhje me sesionin e kaluar parlamentar Topalli.
Ndërsa shtoi se para Kuvendit shfaqen detyrime të reja, kjo edhe në kuadrin e përmbushjes së kushteve të Bashkimit Evropian për liberalizimin e vizave dhe procesin e integrimit evropian në tërësi.
n.e/NOA
