Tiranë, 8 shtator, NOA – Pas kontrollit të subjekteve në shkallë vendi, që ushtrojnë aktivitet me ndikim në mjedis në të gjith, ministria e ministria e Mjedisit në bashkëpunim me stukturat tatimore evidentuan 3669 subjekte, që ushtrojnë aktivitet, pa qenë të pajisura me Leje Mjedisore apo Autorizim Mjedisor.
Në një konferencë për shtyp, Drejtori i Kontrollit të Mjedisit në Ministrinë e Mjedisit, Alfred Deshati bëri me dije se subjektet problematikë rezultuan në qarkun e Korçës, plot 1324 subjekte; në qarkun e Durrësit 1099 subjekte dhe në qarkun e Tiranës plot 675 subjekte.
Drejtori Deshati pohoi se të 3669 subjektet do të përballen me sanksionet e ligjit në rast se brenda 15 ditëve, nuk fillojne proçedurat për pajisjen me Lejen Mjedisore.
Deshati ka garantuar sakaq se M.M.P.A.U, duke patur si prioritet të saj madhor, zbatimin e legjislacionit mjedisor, si dhe përafrimin e standarteve mjedisore gjithnjë e më pranë normativave të BE, është e vendosur që të ndëshkojë të gjithë ata që shkelin ligjet.
Sipas Deshatit, Ministria e Mjedisit, do të vazhdojë të ushtrojë me një vullnet të hekurt të gjitha kompentecat e saj ligjore, në sigurimin e një mjedisi të pastër, si dhe do të penalizojë me ndëshkime maksimale, të gjithë ato subjekte që ushtrojnë aktivitetin e tyre në kundravajtje me ligjet dhe normat mjedisore.
mit/NOA
