Bruksel, 9 shtator, NOA - Banka Qendrore Evropiane ka pohuar me anë të një buletini të ri të botuar prej saj se vendet evropiane po tregojnë një sfond pozitiv dhe dinamik të rikuperimit të ekonomisë së tyre.
Të dhënat e fundit, sipas saj, flasin për një prirje të rimëkëmbjes së ekonomisë në zonën e Euros.
“Një vlerësim i cili, - lexohet në buletinin mujor të BQE, - është reflektuar edhe në përmirësimin e projeksioneve makroekonomike për zonën e euros në shtator, duke treguar një rritje vjetore të PBB në terma realë midis 1.4 dhe 1. 8% në 2010 dhe në mes të 0.5% dhe 2.3% në 2011”.
Parashikime të njëjta janë bërë edhe nga presidenti i BQE, Jean-Claude Trichet javën e kaluar, duke konfirmuar një rritje të lehtë të inflacionit krahasuar me 1.6% të vlerës së tij në muajin gusht.
Duke shtuar se gjithsesi, pasiguria peshon ekonomitë e tjera të përparuara në botë, por se zona e Euros po reafon shumë mirë ndaj rimëkëmbjes ekonomike.
n.e/NOA
