Uashington, 9 Shtator, NOA – Katastrofa e derdhjes së naftës në Gjirin e Meksikës nuk u shkaktua vetëm nga kompania britanike e naftës “British Petrolium”, por edhe nga disa kompani të tjera të cilat nuk duhet t’i shpëtojnë përgjegjësisë.
Kështu kanë deklaruar zyrtarët e kompanisë “BP” në vlerësimin e tyre të parë zyrtar të shkaqeve që çuan në derdhjen katastrofike të naftës në Gjirin e Meksikës.
Duke pranuar gjithsesi, një pjesë të fajit, për gjithçka ndodhi në Luiziana të SHBA-ve, zyrtarët e BP-së thanë se nuk mund të fajësoheshin vetëm ato për krizën e derdhjes së naftës.
Raporti në fjalë, përmend përshembull kompaninë “Transocean”, e cila kishte në pronësi platformën e naftës, duke pohuar se ajo pranoi në mënyrë të parregullt një test presioni.
Duke shtuar se gabime pati edhe në çimentimin e fundit të pusit për të bllokuar gazin dhe naftën.
n.e/NOA
