Nigeri, 9 shtator NOA - Shpërthen burgu i Bauchi, në nveri të Nigerisë. Një grup fondamentalistësh islamikë kanë sulmuar ndërtesën nigeriane, nëpërmjet një sulmi të armatosur, gjatë së cilit katër roje mbetën të vdekur dhe gjashtë të tjerë të plagosur. Lajmi është bërë i ditur nga komisioni investigativ i institutit të policisë nigeriane dhe u publikua nga televizioni satelitor “al-Arabiya”.
Sulmi është kryer nga grupi ekstremist “Boko Haram”, i njohur dhe si talebanët e Pakistanit, të cilët tentuan t’i jepnin lirinë disa milicëve të arrestuarve për dhunën e korrikut të 2009. Mes 732 të burgosurve janë arratisur dhe kriminelë të zakonshëm. Gjatë sulmit, duhet thënë se rojet e burgut janë përgjigjur menjëherë me armë zjarri, duke krijuar një dyluftim të vërtetë ndërmjet të dy palëve. Për momentin thuhet se të arratisurit janë fshehur në malet e Bauchi, ku kanë nisur dhe kërkimet e ushtarakëve. r.b/NOA
