Korçë, 11 shtator, NOA – Dy lëkundje të forta tërmeti, të rëna njëra pas tjetrës, kanë tronditur vetëm pak minuta qytetin e Korçës duke shkaktuar panik tek banorët e saj.
Siç bëhet me dijeni paraprakisht nga ekspertët e sizmiologjisë, goditja e parë ka qenë me e forta, me një magnitudë prej 4.6 ballë e shkallës Rihter, ndërsa tërmeti i dytë u shënua vetëm pak çaste më vonë dhe kishte një fuqi prej 3.1 ballë e shkallës Rihter.
Përkatësisht, lëkundja e parë e tërmetit u shënua në orën 17.47 dhe thellësia e saj ka qenë 2 kilometra nën tokë, ndërsa epiqendra ka qenë 6 kilometra larg Bilishtit.
Ndërsa për lëkundjen e dytë mësohet se u shënua në orën 17:52, me epiqendër vetëm 2 kilometra larg qytetit të Bilishtit dhe thellësi prej 2 kilometrash nën tokë.
n.e/NOA
