Ankara, 12 shtator, NOA - Turqia ka mbyllur votimet e referendumit për ndryshimet kushtetuese, të propozuara nga qeveria.
Sondazhet e ditëve të fundit i japin një avantazh, “Po-së” për këto ndryshime. Kryeministri turk, Rexhep Tajip Erdogan ka arritur të fitojë në referendumin e iniciuar prej tij mbi ndryshimet kushtetuese.
Kampi i Erdogan ka fituar me mbi 50 përqind të preferencave të turqve.
Sipas të dhënave të para, pjesëmarrja në votime ka qenë tejet e kënaqshme, pavërësisht motit të keq në disa qytete.
26 ndryshimet e propozuara synojnë të ndryshojnë frymën e Kushtetutës, që u sanksionua pas grushtit të shtetit në vitin 1980.
Opozita dhe veçanërisht “Qemalistët” ka denoncuar përpjekjet e qeverisë, për shtimin e kontrollit në pushtetin gjyqësor, por në përgjithësi nuk i ka kundërshtuar ndryshimet kushtetuese.
Paketa e reformës kushtetuese ka si qëllim krijimin e një demokracie moderne, pra të ulë ndikimin e ushtrisë veçanërisht në sektorin e politikës dhe drejtësisë.
Në këtë sektor pritet që parlamenti të ketë më shumë pushtet edhe mbi zgjedhjen e gjyqtarëve të lartë apo kryeprokurorëve.
Po ashtu ndryshimet kushtetuese u lejojnë të punuësuarve që të anëtarësohen në më shumë se një sindikatë dhe po ashtu i njeh të drejtën e tubimit, administratës publike.
mit/NOA
