Tiranë, 14 shtator, NOA – Partia Demokratike i përgjigjet akuzave të opozitës me një tjetër kundërakuzë, duke deklaruar se vetëm dje Edi Rama apo zoti 20 %-sh, përmes Lepurit të tij, apo Dritan Avllajt, është bërë aksioner me 20 përqind me kompaninë Vizion Construction, që janë të barasvlershme me 100 milion Euro, një akuzë që sipas PD-së, është rikonfirmuar në Prokurorinë e Tiranës.
Deputeti i Partisë Demokratike, Eduart Halimi theksoi në një konferencë për shtyp nga kryesia e Kuvendit se “Presidenti Vizion Contruction, pohoi para prokurorëve të shtetit se partneri i Edvin Ramës, Dritan Lepri, duke kërkuar 20% në emër të partnerit të tij, ka marrë përsipër planin e ndërtimit të territorit dhe lejet e ndërtimit në territorin pranë digës së Liqenit Artificial”.
Sipas Halimit, në shkëmbim të planit të ndërtimit dhe lejes së bashkisë, kreu i bllokmenëve, sikundër demokratët quajnë Edi Ramën, ka kërkuar 20% të shumës së këtij projekti apo 100 milion euro.
Madje sipas PD-së, për ta rritur me 100 milion fitimin e kontratës së tij mbi projektin në fjalë, Edi Rama ka lartësuar nga 9 në 35 kate, pallatet e kompanisë Vizion Contruction.
Deputeti Eduart Halimi tha sakaq se dokumentet e publikuara në prokurori janë vetëm maja e ajsbergut të gjobave të vëna nga Edi Rama, se ato përbëjnë vetëm 1/3 e gjobës në territorin pranë Digës së Liqenit.
“I bëj thirrje Edvin Kristaq Ramës të dalë nga kutia e Leprit, e të mos fshihet prapa Leprit të tij, por të heqë dorë nga 20%-shi i aksioneve në kompaninë Vizion Contruction e të mos ushtrojë terror mbi mediat dhe institucionet, për të fshehur paratë e tridhjetëepesëkatëshave të tij dhe gjobën njëqindmilionshe.
mit/NOA
