SHBA, 17 Shtator, NOA - Shalqini përmban një substancë të quajtur citruline, e cila është baza e një serë reaksioneve që nxisin zgjerimin e enëve të gjakut, me efekte të krahasueshme me ato të viagrës.
Duke konsumuar sasi të mjaftueshme të shalqinit, trupi merr citrulinën, një aminoacid i cili transformohet në argininë, aminoacid që vepron pozitivisht në zemër dhe në sistemin e qarkullimit të gjakut si dhe në atë imunitar.
Arginina, sipas studiuesve në Texas A & M University të udhëhequr nga doktor Bhimu Patil, rrit oksidin azotik i cili qetëson kapilarët e gjakut.
Veprimi nuk është specifikisht njësoj si viagra, por mund të ketë efekt të njëjtë, pa marrë ilaçe.
Për më tepër, konsumi i shalqinit ka një efekt pozitiv kundër hipertensionit dhe problemeve të tjera kardiovaskulare dhe pa efekte anësore.
Kujtojmë, veç të tjerash se shalqini ka një të përqindje të lartë të mineraleve dhe vitaminave C dhe A, fosforit dhe kaliumit. Ai është i përbërë nga 95% ujë dhe pak sheqer, nga 3,7-6,4%, pra shumë pak, përkundrejt mollëve (11-15%) dhe dardhave (9,5-15,5% ).
a.e./NOA
