Bruksel, 17 shtator, NOA – Marrëdhëniet midis Serbisë dhe Bashkimit Evropian kanë fituar një moment të ri pas miratimit të rezolutës së Organizatës së Kombeve të Bashkuara për dialog mbi Kosovën.
Kështu ka deklaruar komisioneri i Bashkimit Evropian për Zgjerimin, Stefan Fule, sipas të cilit, ka ardhur koha që BE-ja të merret seriozisht me kërkesën e Serbisë për t'iu bashkuar strukturave të tij.
Sipas tij, ka ndikuar për mirë qëndrimi i ndryshuar i Serbisë për rezolutën ndaj Kosovës, gjë e cila nuk mund të kalojë pa u vënë re nga strukturat e Brukselit zyrtar, ndërsa do diskutojnë kërkesën e saj për anëtarësim me të drejta të plota në BE.
Këto deklarata Fule i ka bërë pas një takimi që zhvilloi me presidentin serb Boris Tadiç në Beograd, të cilit i tha se Serbia s'mund të anëtarësohet në BE pa u marrë siç duhet me çështjen e pavarësisë së Kosovës.
n.e/NOA
