Ohajo, 18 Shtator, NOA - Stanley Wright, 49 vjeç, nga Dayton, Ohajo, ishte duke plaçkitur një dyqan rrobash, por para se të dilte, u ndal për të lënë kurikulumin e tij dhe për të plotësuar një formular aplikimi për punë.
Njeriu kishte rrëmbyer këmisha dhe pantallona me vlerë gati 500 dollarë, por më pas vendos të plotësojë një formular të vendosur para kasës së dyqanit (i cili e ka bërë atë të njohur për vjedhjen e kryer).
Sipas mediave vendase, Wright me gjestin e tij ndoshta ka dashur të tregojë se ai ka vjedhur nga nevoja, por që sigurisht nuk do ta ndihmojë lidhur me veprimin e kryer apo për të gjetur punën që donte.
Disa minuta pasi Rajt kishte lënë dyqanin, shitësit kanë vënë re zhdukjen e mallit dhe kanë lajmëruar policinë, e cila menjëherë ka rindërtuar ngjarjen dhe verifikuar të dhënat e burrit në kurikulum.
Në shtëpinë e tij policia gjeti mallrat e vjedhura.
a.e./NOA
