Londër, 17 shtator, NOA – Ndërsa këto ditë ka qenë për një vizitë zyrtare në Britaninë e Madhe, Papa Benedikti XVI është kërcënuar me jetë nga 5 të rinj, me origjinë algjeriane, të cilët arrestuan në Londër.
Konkretisht, kanë qenë 5 meshkuj rreth moshës 26-50 vjeç, të cilët u arrestuan këtë mëngjes me akuzat e rënda se janë të dyshuar për përgatitjen ose nxitjen e akteve të terrorizmit, konkretisht kundër Papës Ratzinger.
Ndërsa Papa Benedikti XVI është i informuar për arrestimet dhe është paraqitur mjaft i qetë.
"Ne jemi plotësisht të sigurt dhe nuk është e nevojshme për të ndryshuar programin e vizitës së Papës në Britani", tha drejtori i zyrës së shtypit të Vatikanit, Atë Federiko Lombardi, sipas të cilit, gjendja në Sarajevë ka qenë edhe më e nderë.
Atë Lombardi tha pastaj se "Papa është i lumtur për këtë udhëtim dhe është i qetë”.
Njoftimi i arrestimit të 5 algjerianëve erdhi pasi Papa u takua me krerët e feve të tjera në universitetin e College, Londër.
n.e/NOA
