Berlin, 18 shtator, NOA – Kryediplomati gjerman, Guido Vestervelle, është martuar në Bon me shokun e tij Michael Mronz, duke përbërë kështu një rast aspak të zakontë në jetën publike gjermane.
Lajmi është publikuar nga gazeta gjermane “Bild” e cila ka treguar sesi në ceremoninë martesore të ministrit të Jashtëm gjerman, kanë marrë pjesë vetëm 20 persona.
Mësohet se ata kanë qenë vetëm familjarët më të afërt, ndërsa ka qenë i pranishëm edhe kryetari i bashkisë së qytetit, Jurgen Nimptsch.
Duke e konsideruar këtë ceremoni një çështje private, stafi i kryediplomatit gjerman, nuk ka dashur të japë më asnjë detaj më shumë rreth çështjes, e cila gjithsesi, nuk ka kaluar pa komente në opinionin publik gjerman.
n.e/NOA
