Paris, 21 shtator, NOA – Në të gjithë botën, kemi parë shatërvane që lëshojnë ujë në lartësi të ndryshme, por shatërvan që hedh përpjetë ujë të gazuar, nuk e kemi parë asgjëkundi.
E duket se do të jetë kryeqyteti i Francës, Parisi, ai që do ta ofrojë një gjë të tillë kaq të veçantë.
Bëhet fjalë për shatërvanin me emrin “La Petillante”, i cili është i pari shatërvan publik në Francë që lëshon ujë të gazuar dhe përurohet sot në Paris.
“Shatërvani shpërndan ujë me temperaturë ambienti, të freskët, por mbi të gjitha për herë të parë të gazuar”, bën të ditur shoqëria “Eau de Paris”.
Bëhet me dije se uji do të jetë i disponueshëm falas për publikun në oraret e hapjes së “kopshteve të Reuilly”.
n.e/NOA
