Londër, 22 Shtator, NOA – Titaniku nuk u mbyt, sepse ishte lundrimi shumë i shpejtë dhe ekuipazhi i tij e pa ajsbergun kur ishte tepër vonë: në bazë të argumenteve të mbesës së një oficeri në bordin e anijes, aq shumë të njohur për aksidentin dramatik gjatë lundrimit ndërmjet Evropës dhe Amerikës së Veriut ishte thjesht një gabim i timonierit.
Sipas Louise Patten, gruaja e ish ministër të arsimit Lord John Patten dhe mbesa e oficerit të dytë Lightoller Charles, anija kishte kohë të mjaftueshme për t'iu shmangur ajsbergun dhe fatit tragjik.
Fakti ishte se timonieri i anijes e ka kthyer atë në rrugën e gabuar dhe kur u kuptua gabimi ishte tepër vonë. Sekreti i Titanikut doli në dritë pothuajse njëqind vjet pas katastrofës, dhe që nga atëherë është ruajtur nga familja Lightoller.
Oficeri i dytë nuk ia tha kurrë hetimeve të SHBA-se dhe Britanisë se cili ishte shkaku i vërtetë i tragjedisë, sepse “ndryshe pronarët e titanikut do të kishin falimentuar dhe kolegët e tij do ta gjenin veten pa punë”.
Lightoller vdiq para se të lindte Lady Patten, por gruaja është rritur me gjyshen e saj e cila i tregoi versionin e burrit.
a.e./NOA
