Hamallaj, 23 shtator, NOA – Banorët e fshatit Hamallaj në Durrës kanë protestuar sërish sot lidhur me mosprishjen e ndërtimeve pa leje, duke përsëritur kështu reagimin kundërshtues të disa javëve më parë ndaj vendimit të Inspektoriatit të Ndërtimit për prishjen e shtëpive të tyre.
Sërish ata kanë dalë në rrugë, duke kërkuar transparencë për zgjidhjen e problemit të tyre dhe mosndërhyjen e Policisë Ndërtimore, për t’u prishur ndërtimet.
Dita e sotme përkon me afatin e fundit që u kishin lënë atyre ekspertët e Inspektoratit të Ndërtimit për të prishur vullnetarisht ndërtimet pa leje.
Por duket se ata nuk e kanë kryer një aksion të tillë dhe sot kanë dalë në mbrojtje të shtëpive, në pritje të forcave të Policisë Ndërtimore që mund të vijnë aty me fadroma për t’ua prishur shtëpitë e tyre.
n.e/NOA
