Lezhë, 23 shtator, NOA – Një parcelë e mbjellë me 120 rrënjë të dyshuara si bimë narkotike e llojit kanabis sativa, është gjetur në fshatin Shëmri të Kurbinit në orët e vona të ditës së djeshme.
Lajmi bëhet me dijeni nga forcat e policisë së Lezhës, të cilat bëjnë me dije për agjencinë e Lajmeve NOA se kanë mundur ta identifikojnë parcelën me bimë narkotike, falë një operacioni realizuar prej tyre.
Mësohet se nga këto bimë, 10 rrënjë janë sekuestruar në cilësinë e provës materiale me qëllim bërjen e ekspertimit përkatës, ndërsa pjesa tjetër prej 110 rrënjësh janë asgjësuar menjëherë.
Nga strukturat e policisë, po kryhen veprimet e mëtejshme procedurale rreth kësaj ngjarje.
n.e/NOA
