Shkodër, 23 shtator, NOA – Vjedhja e 70 kartave rimbushëse AMC para dy muajsh, me vlerën e 60 000 lekëve ka bërë një person të arrestohet nga policia e Shkodrës.
Dje në orët e pasdites policia e qytetit ka vënë në pranga 23 vjeçarin Emiljan Toma lindur dhe banues në fshatin Suka - Dajç, në Komunën Dajç të rrethit të Shkodrës.
Ndalimi i tij u bë pasi dje 71 vjeçarja me iniciale V. Sh., ka bërë kallzim penal duke thënë se dy muaj më parë, në dyqanin në pronësi të saj, shtetasi Emiljan Toma, i ka marrë me forcë një sasi prej 70 kartash rimbushëse AMC, me vlerë 60.000 lekë.
Emiljan Toma tashmë po ndiqet penalisht nga prokuroria e Shkodrës për vjedhje me dhunë.
mit/NOA
