Tiranë, 23 shtator, NOA Update – Në shenjë proteste ndaj votimit të dyfishtë të ligjit për pronat gjatë seancës së kaluar plenare, grupi parlamentar socialist ka bojkotuar seancën e sotme, duke mos gjetur sipas tij, asnjë marrëveshje me mazhorancën për ta deklaruar si të pavlefshëm këtë votim dhe kalimin në rivotim të ligjit të pronave.
“Ju keni bërë një atentat ndaj Kushtetutës. Qofshi ata që jeni, por ne po largohemi nga ky Kuvend. I pafshi hairin!”, kanë qenë fjalët përmbyllëse të diskutimeve kritike të opozitës, përmes grupit parlamentar të saj, Gramoz Ruçi.
Ai e akuzoi direkt kryetaren e parlamentit Jozefina Topalli, se ka dhunuar Kushtetutën dhe i ka bërë thirrje sërish kreut të shtetit që të shohë sesi Kuvendi rrëzon dekretet e tij.
E ndërsa deputetët e opozitës kanë lënë seancën e Kuvendit, deputetët e mazhorancës janë duke vazhduar seancën në mënyrë normale duke shqyrtuar dhe votuar projektligjet të cilët janë në rendin e ditës ...(vijon)
mit/NOA
