Tiranë, 25 shtator, NOA – Një specialist në Drejtorinë e Shitjes së Pronave Publike, në Ministrinë e Financave është arrestuar nga Policia e Tiranës për korrupsion. Hetimi i nisur nga Prokuroria e Rrethit Gjyqësor Tiranë, ka bërë të mundur gjetjen e provave për shkeljet që ka bërë specialisti i Ministrisë së Finacave Kliton Rusi.
Ndërkohë që hetimet e Prokurorisë kanë bërë të mundur dhe arrestimin e dy personave të tjerë për korrupsion dhe abuzime me ligjin.
Bëhet fjalë për Misir Haxhiu, Drejtor i Sigurimeve Shoqërore, Lushnjë dhe Dashnor Sinanaj, administrator i firmës “Zdrava”, Lushnjë. Sipas Prokurorisë arrestimi i Haxhiut dhe Sinanaj është bërë për veprat penale parashikuar nga neni 245/2 i Kodit Penal :“ Ushtrim i ndikimit të paligjshëm në bashkëpunim”. Ndërkohë që arrestimi i funksionarit të Ministrisë së Financave është bërë pas hetimi të në sërë vendimesh që janë dhënë dhe kanë të bëjnë me abuzime në
shitjen e pronave publike.
a.k/NOA
