Tiranë, 25 shtator, NOA – Akuzat dhe kundër akuzat mes Ilir Metës dhe Dritan Priftit të zhvilluara ditët e fundit kanë bërë që Sekretari i Përgjithshëm i LSI-së, Luan Rama të sqarojë pozicionin e LSI-së në lidhje me qëndrueshmërinë e koalicionit me Partinë Demokratike.
Në një konferencë për mediat Rama ka hedhur poshtë akuzat e Priftit për flirte politike mes drejtuesit të LSI-së Meta dhe kryetarit të PS-së, Edi Rama. Sekretari i LSI-së u shpreh se “koalicioni me PD është vendim i forumeve të LSI-së” dhe se kjo forcë politike “do të vazhdojë qeverisjen me Partinë Demokratike”.
Rama ka shtuar se Drita Prifti është ende anëtar i kryesisë së Lëvizjes Socialiste për Integrim.
Por nga ana tjetër, Rama ka sulmuar në të njëjtën mënyrë si opozita ish-ministrin e Ekonomisë Dritan Prifti. Rama u shpreh se Prifti ka përfituar 1.8 milion euro nga fabrika e papërfunduar.
a.k/NOA
