Mançester, 27 shtator, NOA – Lëvizja Socialiste për Integrim përfaqësohet me një delegacion të posaçëm në konferencën vjetore të Partisë Laburiste, e cila po zhvillohet në Mançester të Britanisë së Madhe, ku marrin pjesë 12.000 delegatë.
Delegacioni i përbërë nga Bruna Paskali, sekretarja e Marrëdhënieve me Jashtë dhe Erisa Xhixho, nën/kryetarja e LSI, ka zhvilluar disa takime të rëndësishme ku vlen të përmendet takimi me sekretarin e Përgjithshëm të Partisë Laburiste, Ray Collins.
Gjatë këtij takimi, u diskutua për momentin shumë të rëndësishëm që po kalon Partia Laburiste me zgjedhjen ditën e shtunë të kryetarit të ri të saj, Ed Miliband.
Ray Collins theksoi se megjithë humbjen në zgjedhjet e fundit parlamentare Partia Laburiste ndjehet më e fortë dhe e gatshme për një opozitë konstruktive.
Gjatë këtij takimi, u diskutua dhe për situatën në Shqipëri duke qenë se LSI është pjesë e qeverisjes.
U diskutua gjithashtu edhe për zgjedhjet lokale në Shqipëri që do të zhvillohen në të njëjtën periudhë me zgjedhjet lokale në Britaninë e Madhe për të cilat Partia Laburiste ka pritshmëri të mëdha.
n.e/NOA
