Tiranë, 27 shtator, NOA – Pas deklaratave të kryeministrit Sali Berisha mbi vendosjen e kasave fiskale ka reaguar edhe anëtarja e Asamblesë së Përgjithshme të Partisë Socialiste, Megi Ajtyreza, e cila ka deklaruar se kryeministri Berisha dhe gjyshi i disa nipërve e mbesave ka gënjyer edhe këtë herë siç bën përditë.
“Si mundet një gjysh të jetë kaq indiferent kundrejt një populli të tërë që po mbytet në batakun e gënjeshtrave e të imoralitetit të politikës së pushtetit”, i drejtoi këtë pyetje kryeministrit, Ajtyreza.
“Si mundeni ju zoti Berisha të mohoni përfshirjen tuaj në korrupsionin e kasave kur pohoni se nuk hiqni dorë nga çmimi i fandaksur, po lekët do t’ua merrni qytetarëve nga taksat”, theksoi anëtarja e asamblesë së Përgjithshme të PS-së.
Ajtyreza vijoi më tej duke iu referuar deklaratave të kryeministrit se “Sa për sikletin tonë i dashur gjysh i gënjeshtrave, ne e kemi një siklet dhe e kemi mjaft të madh, po ky është sikleti i çdo shqiptari, që i vjen turp kur sheh e dëgjon në çfarë çakejsh kanë rënë punët e këtij vendi”.
mit/NOA
