Shkodër, 27 shtator, NOA – “Jam i mërzitur dhe po i jap fund jetës....”. Ishin këto fjalët e fundit të shkruara në një copë letër nga 45 vjeçari Shkëlqim Delija, i cili i ka dhënë fund jetës duke u vetëvarur.
Policia e Shkodrës bën të ditur se ngjarja ka ndodhur në lagjen “Naim Gjylbegu” të Shkodrës.
Rreth orës 06.00, të mëngjesit është gjetur i vetëvarur në banesën e tij, në dhomën e ndenjies shtetasi 45 vjeçar, Shkëlqim Delija, i divorcuar nga gruaja.
Nga hetimet e kryera rezulton se shkak i vetëvarjes ishte gjendja depresive që po kalonte 45 vjeçari, i vetmuar dhe i ndarë nga familja e tij.
Madje policia gjeti edhe një letër të shkruar prej tij, fjalët e fundit të së sqarojnë edhe motivin e vetëvarjes “jam mërzitur dhe po i jap fund jetës”, një motiv ky i njohur për akte të tilla të hasura shpesh.
Policia pas këqyrjes së kufomës konstatoi se në qafën e të vetëvarurit ishte krijuar një brazdë strangulacion e krijuar nga shtrëngimi i fortë dhe pesha, karakteristikë e vetvarjes.
Megjithatë, prokuroria e Shkodrës po heton më tej ngjarjen në fjalë.
mit/NOA
