Londër, 2 tetor, NOA - Me ftesë të Sekretarit të Shtetit për Drejtësinë Lord Chancellor Kenneth Clarke, Ministri i Drejtësisë, Bujar Nishani mori pjesë në hapjen e vitit ligjor në Angli dhe Wells.
Në këtë ceremoni merrnin pjesë ministra të Drejtësisë së BE-së si dhe gjyqtarë të lartë nga Shqipëria dhe vende të BE-së.
Ministri Nishani u prit në një takim të veçantë nga Ministri i Shtetit për Drejtësinë, Lord McNally, me të cilin u diskutua bashkëpunimi dy palësh kryesisht në fushën ekstradimeve, të letërporosive, të sistemit penitenciar dhe shërbimit të provës.
Sipas njoftimit të zyrës së shtypit të MD-së, ministri Bujar Nishani ka falenderuar Lordin McNally për bashkëpunimin dhe ndihmën, që ka ofruar Britania e Madhe në fushën e drejtësisë dhe veçanërisht, në atë të Shërbimit të Provës.
Vetë Lordi McNally vlerësoi arritjet e Shqipërisë dhe konsolidimin e Shtetit të së Drejtës si dhe shprehu vlerësimin për procesin e integrimit e Shqipërisë në Bashkimin Evropian. Dy bashkëbiseduesit konfirmuan gjithashtu gatishmërinë e thellimit të mëtejshem të bashkëpunimit në fushën e drejtësisë.
mit/NOA
