Uashington, 2 Tetor, NOA - 19 anëtarë të Kongresit Amerikan i kanë dërguar një letër presidentit Barakk Obama përmes së cilës i kërkojnë atij të inkurajojë aleatët e NATO-s, të Shteteve të Bashkuara, t’i ofrojnë Maqedonisë një ftesë zyrtare për t'u bërë anëtare e plotë e aleancës, në Samitin e Lisbonës.
Kongresmeni, Earl Pomeroy (D-North Dakota) dhe kongresistja, Candice Miller (R-Michigan), janë mbështetësit kryesorë të kësaj letre në të cilët thuhet: "E ardhmja e Maqedonisë në institucionet euro-atlantike, si dhe sigurinë dhe stabilitetin e Evropës Juglindore, nuk duhet më të ndikohen negativisht nga çështjet bilaterale me Greqinë." Kopje të letrës u janë dërguar edhe nënpresidentit, Joe Biden, Sekretares së Shtetit, Hillari Klinton, dhe Sekretarit të Mbrojtjes, Robert Gates.
Anëtarët e Kongresit kanë nënvizuar kontributin e Maqedonisë drejt demokracisë, paqes stabilitetit, dhe sigurisë në Europën Juglindore dhe gjetiu, duke bërë të qartë se "Maqedonia është një aleate e ngushtë e SHBA-ve.NOA-INA
